Plantun de Prouvènço

Pèr coumpara dos planto d'encò nostre

Oreoselinum nigrum & Pinus mugo subsp. mugo

Oreoselinum nigrum

Apiaceae Umbelliferae

Noms en français : Persil de cerf, Persil des montagnes.

Descripcioun :
Planto pulèu grando que trachis dins li bos clar, fai d'oumbello de 10 à 30 rai emé de bratèio (invoulucre e invoulucelle). Se recounèis subretout à si fueio que soun pas plano e que li ramificacioun parton en zigue-zague.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,4 à 1,3 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oreoselinum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 6 à 10 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Orle de bos - Tepiero seco - Colo - Basso mountagno
Estànci : Mesoumediterran à Mountagnard
Couroulougi : Éuropenco
Ref. sc. : Oreoselinum nigrum Delarbre, 1800 (= Peucedanum oreoselinum (L.) Muench, 1794 )

Pin(-de-mountagno)

Pinus mugo subsp. mugo

Pinaceae

Noms en français : Pin de montagne, Pin couché.

Descripcioun :
Lou pin-de-mountagno, Pinus mugo subsp. mugo, rebalo au sòu e fai raramen mai de 2 m d'aut. Trachis dins quàuqui relarg secarous dis Aup Marino e dis Autis Aup souvènt sus li cresten. Se destrìo dóu pin-à-crouchet que justamen lis escaumo an quàsi ges de crouchet.

Usanço :
Li jóuini brout podon servi à faire de sirop e d'aigardent. Lou cor dóu bos servié à passa tèms de faire de tié (vèire à Pin-gavot) pèr s'esclara.